Эксперт: Ілан Маск і ягоныя заявы – частка перадвыбарнай кампаніі Трампа
21- 4.03.2024, 21:13
- 4,142
Экс-прэзідэнт ЗША прапаноўваў Маску быць дарадцам у эканамічных інавацыях у сябе ў адміністрацыі.
Амерыканскі мільярдэр, заснавальнік кампаній Tesla і Space X Ілан Маск увесь час робіць скандальныя заявы, ён з'яўляецца адным з удзельнікаў перадвыбарнай кампаніі Дональда Трампа. Пра гэта сёння FREEДОМ заявіў дырэктар украінскага Цэнтра даследаванняў праблемаў грамадзянскай супольнасці Віталь Кулік, каментуючы заявы Маска пра неабходнасць расфармаваць NATO.
– Маск робіць увесь час заявы, якія адкідаюць ад яго частку сімпатызантаў. Шэраг ягоных заяваў ужо прывёў да вялікай крытыкі… Многія з традыцыйных рэспубліканцаў ад яго адвярнуліся, мяркуючы, што ён не проста выскачка, а што ён гуляе на папулізме, што якраз ён з'яўляецца рупарам «трампістаў», – сказаў Кулік.
Ён нагадаў, што раней Трамп прапаноўваў Маску быць дарадцам у эканамічных інавацыях у сябе ў адміністрацыі, але той адмовіўся.
«І тады гаварылі, што яны разышліся ў поглядах, што Маск ніколі не будзе падтрымліваць Трампа. Не, Маск якраз з'яўляецца адным з удзельнікаў гэтай кампаніі. Маск захоўвае даволі шырокі ўплыў, яго чытаюць, ён папулярны сярод “трампістаў”. І якраз вось гэтая вагальная частка, якія яшчэ не “трампісты”, але ўжо не традыцыйныя рэспубліканцы, якраз глядзяць на Ілана Маска і цалкам могуць пайсці за ім да Трампа. У той самы час Маска актыўна крытыкуюць за збліжэнне з Трампам», – сказаў Кулік.