18 красавiка 2024, Чацвер, 7:17
Падтрымайце
сайт
Сім сім,
Хартыя 97!
Рубрыкі

Украіна адправіла праз «збожжавы калідор» 30 млн тон грузаў

2
Украіна адправіла праз «збожжавы калідор» 30 млн тон грузаў

У Кіеве таксама развіваюць альтэрнатыўныя маршруты.

Украіна экспартавала па сваім “збожжавым калідоры” ў Чорным моры ўжо амаль 30 млн тон грузаў, прычым у адным толькі лютым 2024 года - 8 млн тон. Як піша DW, пра гэта паведаміў у панядзелак, 4 сакавіка, прэзідэнт Украіны Уладзімір Зяленскі, заслухаўшы даклад віцэ-прэм'ера ў пытаннях аднаўлення Андрэя Кубракова.

“Гэта вельмі важна падчас такой вайны. І я ўдзячны ўсім, хто працуе ў нашых партах, на суднах, усім, хто забяспечвае працу марскога калідора, яго бяспеку”, - заявіў украінскі лідар. У допісе ў Telegram ён дадаў, што кіраўніцтва Украіны "працягвае развіваць і альтэрнатыўныя маршруты (экспарту сельгаспрадукцыі. - Рэд.) - Дунаем і праз Малдову".

6 лютага прэм'ер-міністр Украіны Дзяніс Шмыгаль паведаміў, што за паўгода яго краіна экспартавала па Чорным моры амаль 20 млн тон грузаў, з якіх 70 адсоткаў складала сельскагаспадарчая прадукцыя ўкраінскіх фермераў. "Усяго за гэтыя паўгода больш за 660 грузавых суднаў адправіліся ў пункты прызначэння ў 32 краінах свету", – напісаў Шмыгаль у Telegram. Паводле ягоных слоў, у студзені 2024 года быў дасягнуты месячны даваенны ўзровень экспарту па моры. Блізу 60 адсоткаў экспарту на суму, эквівалентную 2,8 млрд еўраў, у гэтым месяцы было ажыццёўлена марскім шляхам.

Украіна стварыла новы марскі калідор пасля выхаду РФ з «збожжавай угоды»

Пасля нападу Расеі на Украіну расейскі Чарнаморскі флот спрабаваў перашкаджаць украінскаму экспарту па моры. З ліпеня 2022 года да ліпеня 2023-га дзейнічала "збожжавая ўгода" - пагадненне, укладзенае пры пасярэдніцтве ААН і Турцыі, аб расейскіх гарантыях бяспекі пры экспарце ўкраінскай сельгаспрадукцыі. Аднак затым РФ выйшла з гэтай угоды.

Пасля гэтага Кіеў змог стварыць новы бяспечны марскі калідор у заходняй частцы Чорнага мора. Да гэтага ўкраінскія ўзброеныя сілы вызвалілі востраў Змяіны і патапілі некалькі расейскіх вайсковых караблёў, у тым ліку крэйсер “Масква” - флагман Чарнаморскага флоту РФ.

Напісаць каментар 2

Таксама сачыце за акаўнтамі Charter97.org у сацыяльных сетках