Праўладны саюз пісьменнікаў Беларусі атрымаў грант ад адміністрацыі Пуціна
14- 9.03.2024, 16:37
- 4,194
![Праўладны саюз пісьменнікаў Беларусі атрымаў грант ад адміністрацыі Пуціна](https://i.c97.org/ai/586861/aux-head-1709991403-20240309_pozdniakov_360.png)
ФОТА: скрыншот з ВІДЭА BELPRESSCENTER / YOUTUBE
Сума расейскага гранта не называецца.
Праўладны саюз пісьменнікаў Беларусі атрымаў грант адміністрацыі прэзідэнта РФ на правядзенне ў красавіку літаратурнага фестывалю «Русь і Беларусь адзіныя». Пра гэта паведаміў на прэс-канферэнцыі старшыня Менскага гарадскога аддзялення арганізацыі Міхаіл Пазнякоў.
«Летась мы выйгралі грант адміністрацыі прэзідэнта Расейскай Федэрацыі на правядзенне фэсту ў Беларусі і ў Ліпецкай вобласці. Фінансаванне будзе ажыццяўляцца цалкам праз ліпецкую пісьменніцкую арганізацыю», – распавёў Пазнякоў.
Сума расейскага гранта не называецца.
Адзначым, што саюз пісьменнікаў Беларусі (СПБ) аб'ядноўвае лаяльных рэжыму Лукашэнкі пісьменнікаў, крытыкаў, літаратуразнаўцаў.