У Пуціна ёсць 28 адзінак: палкоўнік УСУ назваў самую небяспечную зброю РФ

Вайсковы экспэрт ацаніў патэнцыял Крамля.

Падчас поўнамаштабнага ўварвання ва Украіну Расея выкарыстоўвала фактычна ўсю магчымую забароненую зброю. Аднак у запасе Крамля яшчэ ёсць самае небяспечнае ўзбраенне з усіх.

Размова ідзе аб ядзерных магчымасцях Расеі. У іх сапраўды захоўваецца нямала ядзернай зброі, сярод іншага тактычнай. Падрабязна аб ядзерным патэнцыяле краіны-агрэсаркі "24 Каналу" распавёў ваенны экспэрт і палкоўнік запасу УСУ Пётр Чэрнік.

Ядзерны патэнцыял Расеі

Расейская прапаганда на чале з самім Уладзімірам Пуціным фактычна бесперапынна палохаеувесь свет сваёй ядзернай зброяй. Агулам ядзерны патэнцыял Расеі можна падзяліць на некалькі частак.

“У іх ёсць шахтавыя ўстаноўкі Р-36М і УР-100Н - галоўныя ядзерныя сілы, якія стаяць у шахтах. Іх ёсць 74 адзінкі і ўсе яны накіраваныя на ЗША. Абслугоўвае ўсё гэта наш Южмаш, таму што яны распрацоўвалі ракеты РС-20 "Ваявода". Сумняваюся, што яны ў адэкватным стане”,

- адзначыў Пётр Чэрнік.

У Расеі таксама ёсць рухомыя ўстаноўкі РС-24 "Ярс" і "Таполя-М". Самі расейцы дэкларуюць, што такіх пускавых установак ёсць блізу 500, якія на борце могуць мець ад 3 да 6 боегаловак ад 300 да 500 кілатон. Таксама ёсць ракеты Х-102 і "Іскандэр" можа мець ядзерную боегалоўку.

“Усё гэта добра адсочваюць, ёсць логіка разумення, як іх могуць запусціць. Але самым небяспечным застаецца ядзерны падводны флот. У іх ёсць да 28 ракетаносьбітаў рознага тыпу і класа. Найбольш дальнабойны і небяспечны класа "Дэфілін" - да 16 ракет тыпу Р-29. Гэта сур'ёзная зброя», - падкрэсліў вайсковы эксперт.

Вядома, што Злучаныя Штаты могуць збіць блізу 98% усяго, што запусцяць расейцы. Але нават 2%, якія могуць даляцець, гэта вельмi шмат. Важна, вядома, і кілатанаж ракеты, якую патэнцыйна могуць запусціць.

Іншай небяспекай з'яўляецца тактычная ядзерная зброя, гэта значыць ядзерныя набоі.

“Ёсць вялізны страх ядзернага прэцэдэнту. Калі ўмоўна ў Данецку выбухне ядзерны набой - усе будуць разумець, што яго выкарысталі расейцы. Але пытанне - што з гэтым рабіць? З ваеннага пункта гледжання наогул нічога не будзе важыць, але які адказ даць амерыканцам? Калі не адказаць, то, напрыклад, Іран пагражае знішчыць Ізраіль. Калі не будзе адказу, то яны так і зробяць”, - дадаў Чэрнік.