18 чэрвеня 2024, aўторак, 11:55
Падтрымайце
сайт
Сім сім,
Хартыя 97!
Рубрыкі

«Ставілі на сцяг, білі ўсім кабінетам»

7
«Ставілі на сцяг, білі ўсім кабінетам»

Палітычная зняволеная ў лісце на кавалку туалетнай паперы расказала пра катаванні.

Крыніцы «Белсата» перадалі рэдакцыі ліст ад палітычнай зняволенай Кацярыны Новікавай. На кавалку туалетнай паперы Кацярына апісала сваё затрыманне і далейшае зняволенне.

Кацярына Новікава
Фота: SPRING96.ORG

Кацярыну Новікаву затрымалі на пачатку лета 2023 года. Яе схапілі ў адной піжаме, у якой яна знаходзілася ў СІЗА да першай перадачы ад родных.

Кацярыну Новікаву, паводле звестак «Вясны», судзілі паводле сямі артыкулаў: ад «распальвання варожасці» да «гвалту супраць міліцыянта». Працэс вяла суддзя Алена Шылько, якая ў выніку прысудзіла 6,5 гадоў зняволення і штраф 3000 беларускіх рублёў, якія Кацярына павінна выплаціць у якасці кампенсацыі «пацярпелым».

У лісце на кавалку туалетнай паперы Кацярына піша, што пры затрыманні яе біў супрацоўнік ГУБАЗіку Іван Васілевіч, затым у штабе ГУБАЗіКу на Рэвалюцыйнай, 3 яе «ставілі на сцяг, білі ўсім кабінетам». Сказалі, што б'юць за яе інтэрв'ю, за тэлеграм-канал і за яе звароты.

Лісты ёй амаль не даходзяць. Новікава піша таксама, што «малюнкі забаранілі».

«Я ўпала з другога паверха ложка, галавой аб драўляную паліцу, - распавядае зняволеная. — Здымак зрабілі, але больш за месяц не паведамляюць вынік».

Новікава піша, што пацярпелымі ў яе справе выступаюць тыя, ад каго яна сама пацярпела ў 2020 годзе. Суддзя і пракурор, згадвае яна, «агітавалі за Лу» (актыўна выступалі за Аляксандра Лукашэнку) і зневажалі яе як маглі. Яна таксама падазрае, што сын яе першага адваката працуе на ГУБАЗіК, двух сваіх адвакатаў яна называе «ніякімі».

Напісаць каментар 7

Таксама сачыце за акаўнтамі Charter97.org у сацыяльных сетках