18 чэрвеня 2024, aўторак, 12:44
Падтрымайце
сайт
Сім сім,
Хартыя 97!
Рубрыкі

Гамяльчанка адмовіла мужу ў разводзе і атрымала штраф 1200 рублёў

7
Гамяльчанка адмовіла мужу ў разводзе і атрымала штраф 1200 рублёў

За што?

Пасля сваркі ў адной з гомельскіх сямейных пар мужчына наважыў падаць на развод. Аднак жанчына не захацела адпускаць бацьку траіх дзяцей і прыдумала спосаб, як яго спыніць. Праўда, у Беларусі такі крок з'яўляецца злачынствам.

Пасля сваркі 44-гадовы мужчына пайшоў жыць да маці і збіраўся найбліжэйшым часам падаць на развод. Аднак неўзабаве зразумеў, што ягоны пашпарт застаўся ў кватэры жонкі. Беларус патэлефанаваў жанчыне і папрасіў яе сустрэцца на нейтральнай тэрыторыі. Пры гэтым заявіў адкрыта: маўляў, хачу развесціся, патрэбен пашпарт.

Жанчыну такі варыянт развіцця падзей не задаволіў. Яна вырвала з дакумента мужа некалькі лістоў, разарвала іх і выкінула ў сметнік, піша гомельскі партал «Белка».

Пасля беларуска прызнала віну. Суд Навабеліцкага раёна прызначыў ёй штраф у суме 1200 рублёў. Цікава, што так ці інакш, сваёй мэты яна дасягнула.

«Муж вярнуўся ў сям'ю і цяпер прэтэнзій не мае», - распавёў памочнік пракурора Гомеля Аляксандр Шапавалаў.

Напісаць каментар 7

Таксама сачыце за акаўнтамі Charter97.org у сацыяльных сетках