Музыкі гурта Nizkiz атрымалі «хатнюю хімію»

Іх вызвалілі ў зале суда.

Сяргею Кульшу, Дзмітрыю Халяўкіну і Аляксандру Ілліну прысудзілі абмежаванне волі, паведамляецца на сайце праваабарончага цэнтру “Вясна”.

Музыкаў абвінавачвалі паводле ч.1 арт.342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) за ўдзел у акцыях пратэсту ў 2020 годзе.

Праваабаронцы з MAYDAY паведамілі, што музыкі атрымалі па 2,5 гады «хатняй хіміі». Іх вызвалілі ў зале суда.

Справу вяла суддзя Алена Жывіца.