26 траўня 2024, Нядзеля, 14:02
Падтрымайце
сайт
Сім сім,
Хартыя 97!
Рубрыкі

Сталі вядомыя дэталі пра групу экспертаў, якая будзе кансультаваць Кіеў датычна ўступлення ў ЕЗ

1
Сталі вядомыя дэталі пра групу экспертаў, якая будзе кансультаваць Кіеў датычна ўступлення ў ЕЗ

Хто ўвайшоў у склад.

У склад кансультацыйнай групы экспертаў, якія будуць кансультаваць Украіну ў працэсах, звязаных з уступленнем у ЕЗ, увойдуць прадстаўнікі шасці краінаў Паўночнай Еўропы.

Пра гэта паведаміла прэс-служба ўраду Украіны.

У склад групы ўвойдуць прафесійныя прадстаўнікі краінаў Паўночна-Балтыйскай васьмёркі (Эстоніі, Літвы, Латвіі, Швэцыі, Ісландыі, Фінляндыі), якія маюць значны досвед працы ў інстытутах ЕЗ і былі далучаныя да перамоўных працэсаў.

Сярод іншага, гэта:

перамоўнік у перамовах пра ўступленне Эстоніі ў ЕЗ Алар Стрэйман (Alar Streimann);

былы еўракамісар, двойчы міністр фінансаў Літвы Альгірдас Шэмета (Algirdas Šemeta);

былы еўракамісар, латвійскі дыпламат Андрыс Піебалгс (Andris Piebalgs);

былая еўракамісарка, міністарка ў справах ЕЗ Швэцыі (2006–2010) Сісілія Мальмстрам (Cecilia Malmström);

ісландскі дыпламат, дырэктар у еўрапейскіх справах і ўдзельнік перамоваў пра ўступленне ў ЕЗ (2008–2013) Хёгні С. Крысціянсан (Högni S. Kristjánsson);

дзяржаўная сакратарка ў пытаннях ЕЗ і міжнародных стасункаў Швэцыі (2010–2014) Катарына Арэскуг (Katarina Areskoug); былы гендырэктар Нацыянальнай зямельнай службы Літвы (2017–2021) Ляйманас Чыякас (Laimonas Čiakas);

былая сталая прадстаўніца Фінляндыі пры ЕЗ (2017–2021) Мар'я Рыслакі (Marja Rislakki);

галоўны перамоўнік датычна ўступлення Ісландыі ў ЕЗ (2009–2013) Стэфан Хаўкур Ёханэсан (Stefán Haukur Jóhannesson).

Дзейнасць групы будзе каардынаваць Швэдская нацыянальная рада гандлю (National Board of Trade Sweden) – швэдскае ўрадавае агенцтва, заснаванае ў 1651 годзе, якое займаецца пытаннямі міжнароднага гандлю, унутранага рынку і гандлёвай палітыкі ЕЗ.

Напісаць каментар 1

Таксама сачыце за акаўнтамі Charter97.org у сацыяльных сетках