20 траўня 2024, панядзелак, 21:08
Падтрымайце
сайт
Сім сім,
Хартыя 97!
Рубрыкі

«Не даводзьце народ! На вілы падымем усіх»

68
«Не даводзьце народ! На вілы падымем усіх»

Жыхары Арэнбурга пачалі пагражаць паўстаннем.

Жыхары расейскага Арэнбурга на сустрэчы з уладамі і кіраўніцтвам МНС пагражалі паўстаннем. Яны абураныя бяздзейнасцю рэжыму ў той час, калі горад з-за паводкі ідзе пад ваду.

Кадры эмацыйнага звароту арэнбуржца да ўладаў трапілі на відэа. Мужчына прыгразіў "падняць на вілы" расейскія ўлады, на што ў зале адрэагавалі гучнымі воплескамі, піша Диалог.UA.

Вада ўсё яшчэ працягвае заліваць Арэнбург і іншыя гарады і вёскі вобласці, а грамадства ўжо апынулася на мяжы сацыяльнага выбуху.

Узніклі праблемы з выплатамі кампенсацый пацярпелым: Крэмль выплачвае мізэрную дапамогу грамадзянам толькі пры ўмове прапіскі.

«Я не магу ў двух месцах быць прапісаны… Але мне ніхто не забараняў мець два дамы, тры і пяць! Я іх тут зарабіў, гэтыя грошы, сам пабудаваў. І тым, што я будаваў, эканоміку паднімаў рэгіёна. Я падаткі плачу ўсё! (...) А зараз вы мне кажаце, калі ты там не прапісаны, ты ніхто. Я ўсё жыццё працаваў і страціў зараз усё. Разумееце? А вы тут супакойваеце мяне! Не трэба мяне супакойваць! Я пяць дзён не сплю! - крычаў на сустрэчы арэнбуржац.

Шмат прэтэнзій у жыхароў горада і да працы Міністэрства надзвычайных сітуацый (МНС). З іх звестак, ратавальнікі нічога не робяць, а толькі ўдзельнічаюць у здымцы прапагандысцкіх ролікаў і перашкаджаюць мясцовым актывістам праводзіць выратавальныя аперацыі.

«МНС нічога не робіць. Яны сядзяць там, піражкі ядуць. А па тэлевізары прыгожыя карцінкі паказваюць, што яны працуюць. Ні халеры не працуюць! (...) Я вам яшчэ раз кажу, не даводзьце народ - на вілы паднімем усіх! Бездапаможныя! Вы прыехалі, на карцінку зняліся, вас прыгожа па тэлевізары паказалі: МНС піражкі развозяць, ваду развозяць. Ні халеры нічога не развозяць... І гэтак жа будзе з выплатамі, людзі! Нічога ніхто нам не выплаціць! Несумленныя!» - крычаў мужчына.

Кіраўніцтва вобласці некалькі разоў спрабавала яго перабіць і прымусіць замаўчаць. Аднак арэнбуржац, даведзены да роспачы, не супакоіўся. Ён запатрабаваў, што ўлады «былі з народам».

Яшчэ адзін удзельнік сустрэчы расказаў, што МНС адмовілася эвакуаваць ляжачага хворага з зоны падтаплення. На просьбу аб дапамозе ратавальнікі заявілі са смехам, што пацыент «пачакае».

Паводка ў Арэнбургскай вобласці пачалася вечарам 5 красавіка. На рацэ Урал у раёне Орска прарвала насыпную дамбу, на будаўніцтва якой пуцінскі рэжым выдаткаваў 1 млрд рублёў. Дзясяткі населеных пунктаў былі ў зоне затаплення.

Абласны цэнтр - Арэнбург - праз тыдзень працягвае падтопліваць, пад ваду сыходзяць новыя раёны горада. Узровень вады ў рацэ пераадолеў крытычную адзнаку 11 метраў.

У рэгіёне абвешчаны рэжым надзвычайнай сітуацыі. З апошніх звестак, ужо блізу 30 тысяч жылых дамоў і садовых таварыстваў падтоплена ў Арэнбуржскай вобласці.

Напісаць каментар 68

Таксама сачыце за акаўнтамі Charter97.org у сацыяльных сетках