ДАІ Беларусі дало цікавае «абяцанне» для дзвюх абласцей

Каму падрыхтавацца?

Дзяржаўтаінспекцыя УУС Менскага аблвыканкама запланавала "масаваную адпрацоўку аўтадарог" 13 і 14 красавіка. А ДАІ Віцебшчыны паабяцала пракантраляваць да 16 красавіка веласіпедыстаў, матацыклістаў і не толькі.

Як расказалі ў ДАІ Міншчыны, дарожна-патрульнай службы сканцэнтруюцца на аварыйна-небяспечных адцінках аўтадарог Р-43 "Мяжа Расіі — Крычаў — Бабруйск — Баранавічы" і М-6 "Менск — Гародня", у тым ліку каля пешаходных пераходаў.

Асаблівая ўвага - выяўленню нецвярозых кіроўцаў, бяспраўнікаў, а таксама тых, хто перавышае хуткасць. Акрамя таго, паабяцалі прасачыць за наданне кіроўцамі перавагі пешаходам і выкананнем правілаў перавозкі дзяцей.

Пракантралююць, як адзначылі ў Дзяржаўтаінспекцыі, і пешаходаў, а таксама кіроўцаў двухколавых і маршрутных транспартных сродкаў.

Таксама ў ДАІ Міншчыны параілі тэлефанаваць беларусам у дзяжурную частку ДАІ на нумары 229-04-44 або 102, калі яны заўважаць кіроўцаў у стане алкагольнага ап'янення за стырном або нецвярозых пешаходаў і веласіпедыстаў.

Што на Віцебшчыне

Тут да 16 красавіка ДАІ паабяцала ўзмацніць кантроль за перамяшчэннем веласіпедыстаў, пешаходаў, а таксама тых, хто выкарыстоўвае сродкі персанальнай мабільнасці (СПМ) (электрасамакаты, гіраскутары, манаколы і інш.).

У Дзяржаўтаінспекцыі нагадалі, што ехаць на СПМ трэба па веласіпеднай дарожцы, а калі такой няма, то па ходніку, пешаходнай дарожцы або ўзбочыне з хуткасцю не вышэй за 25 км/гадз. Пры гэтым нельга перашкаджаць руху пешаходаў.