Гарады сыходзяць пад ваду пад гукі сірэны: «кара нябесная» накрыла Расею

З'явіліся ўражальныя фота і відэа.

У Расеі пасля прарыву дамбы ў Орску Арэнбуржскай вобласці працягваюць сыходзіць пад ваду населеныя пункты. Патоп дабраўся да Кургана: за ноч узровень вады ў рацэ Табол падняўся на больш за паўметра і вада прыбывае ўсё хутчэй, піша obozrevatel.com.

З самай раніцы 14 красавіка ў Кургане выюць сірэны: мясцовыя ўлады заклікаюць жыхароў неадкладна эвакуявацца – прычым, рабіць гэта расейцам давядзецца самастойна. Фота і відэа з Кургана і вобласці з'явіліся ў сеціве.

Губернатор Курганской о

Губернатар Курганскай вобласці Вадзім Шумкоў раніцай 14 красавіка «парадаваў» курганцаў паведамленнем аб тым, што за ноч узровень вады ў рацэ Табол падняўся на 54 см, дасягнуўшы амаль 5 м. Пры павышэнні ўзроўню вады да 6 м прагназуецца падтапленне правай і ніжняй часткі левага берага ракі.

Пры гэтым, адзначыў Шумкоў, да раніцы тэмпы прыбыцця вады павялічыліся.

«Апошнія дзве гадзіны вада дадаецца па 20 см. Плынь прыкметна ўзмацняецца. Вада пайшла на горад», - заявіў Шумкоў.

Губернатар заклікаў гараджан «эвакуявацца неадкладна». У горадзе з раніцы вые сірэна.

Пры гэтым арганізаванай эвакуацыі мясцовыя ўлады для жыхароў не забяспечылі. Уся «дапамога» палягае ў тым, што «электраэнэргія і газ будуць вымушана адключацца на прэвентыў, каб пазбегнуць няшчасных выпадкаў і аварый», а ў Кургане, вада да якога падбіраецца ўсё бліжэй, «падрыхтаваныя некалькі прытулкаў для вашых свойскіх жывёл, створана некалькі парковак аўтамабіляў, размешчаныя некалькі дзясяткаў пунктаў часавага размяшчэння».

Таксама ў мясцовых пабліках апублікаваная мапа з зонамі падтаплення. Зялёным на ёй пазначаны раёны, якія затопіць пасля таго, як узровень вады дасягне 6,74 м, жоўтым - тыя, што сыдуць пад ваду пры 8,31 м, чырвоным - пасля 9,25 м і сінім - пры без малога 11 м.

Нагадаем, аб пагрозе затаплення Кургана стала вядома напярэдадні, 13 красавіка. Менавіта ў гэтым горадзе размешчаны адзіны завод па вырабе БМП.

Шумкоў напярэдадні заяўляў, што паводка набліжаецца да сяла Бараба за 30 км ад Кургана, ён рухаецца з хуткасцю 15-20 км за суткі. «Калі вы ўсё не выедзеце загадзя, то адсядзецца на гарышчы і даху можа не атрымацца», – звяртаўся тады яшчэ да жыхароў вобласці ён.