19 чэрвеня 2024, Серада, 1:38
Падтрымайце
сайт
Сім сім,
Хартыя 97!
Рубрыкі

Чарга з легкавушак на выезд з Літвы ў Беларусь расцягнулася на кіламетры

4
Чарга з легкавушак на выезд з Літвы ў Беларусь расцягнулася на кіламетры

Ёсць цікавая дэталь.

Чарга з легкавых аўтамабіляў на выезд з Літвы ў Беларусь расцягнулася на тры кіламетры.

Такая сітуацыя склалася ў пункце пропуску «Меднікі». Цікава, што прыкладна 40% гэтых аўто на транзітных нумарах, паведамляе лагістычны партал Infotrans Media Belarus.

Многія перагоншчыкі спрабуюць правезці аўто праз літоўскую мяжу, хаця дакументы ў іх аформленыя для пераходу мяжы Польшчы. Такіх кіроўцаў літоўскія памежнікі разварочваюць.

Польшча забараніла вываз у Беларусь транзітных аўтамабіляў коштам, большым за 50 тысяч еўраў і з аб'ёмам рухавіка, большым за 1,9 літра. Паведамлялася, што аналагічную забарону ўвяла і Літва.

Паводле звестак Дзяржпрагранкамітэта, складаная сітуацыя на выезд з Беларусі ў бок Еўразвяза захоўваецца. Так, у пункце пропуску ў Берасці на выезд у Польшчу ў чарзе стаяць 100 легкавых аўто і 45 аўтобусаў.

У пункце пропуску «Каменны лог» на мяжы з Літвой афармлення чакаюць 790 грузавікоў і 40 легкавых аўто, у «Беняконях» — 700 грузавікоў і 30 легкавікоў. Выезду ў Латвію чакаюць 815 фургонаў, легкавыя аўтамабілі праходзяць мяжу хутчэй.

Напісаць каментар 4

Таксама сачыце за акаўнтамі Charter97.org у сацыяльных сетках