19 чэрвеня 2024, Серада, 1:28
Падтрымайце
сайт
Сім сім,
Хартыя 97!
Рубрыкі

Больш за 50 працэнтаў маладых французаў гатовы ваяваць ва Украіне супраць Расеі

26
Больш за 50 працэнтаў маладых французаў гатовы ваяваць ва Украіне супраць Расеі

Вынікі апытання.

Кожны другі грамадзянін Францыі ва ўзросце ад 18 да 25 гадоў гатовы паехаць ваяваць ва Украіну, каб абараніць сваю краіну. Пра гэта сведчыць апытанне арганізацыі Ipsos на замову міністэрства ўзброеных сіл Францыі, піша 20minutes.

Паводле звестак апытання, маладыя французы дэманструюць «абноўлены патрыятызм», праяўляючы гатоўнасць абараніць краіну ў выпадку канфлікту нават за межамі Францыі.

51% апытаных гатовы ўступіць у вайну ва Украіне, каб абараняць Францыю. З іх 17% адказалі «абсалютна так» і 34% – «так, магчыма».

Таксама 57% апытаных гатовы пайсці ваяваць пад сцягамі Францыі ў выпадку вайны без згадвання канкрэтнай краіны.

Апытанне паказала, што амаль трэць маладых французаў (31%) выказаліся за размяшчэнне французскіх войскаў ва Украіне.

Апытанне IPSOS праводзілі ў 2023 годзе – яшчэ да таго, як у лютым 2024-га Эманюэль Макрон дапусціў размяшчэнне французскіх войскаў ва Украіне. Былі апытаны 2300 французскіх мужчын і жанчын ва ўзросце ад 18 да 25 гадоў.

Напісаць каментар 26

Таксама сачыце за акаўнтамі Charter97.org у сацыяльных сетках