19 чэрвеня 2024, Серада, 1:04
Падтрымайце
сайт
Сім сім,
Хартыя 97!
Рубрыкі

Расейцам рэзка падвысяць кошты на айчыннае віно

3
Расейцам рэзка падвысяць кошты на айчыннае віно

Рост складзе ад 7 да 35%.

Адна з найбуйнейшых расейскіх вінаробных кампаній «Абрау-Дзюрса» з сярэдзіны траўня павысіць кошты сваёй прадукцыяй, рост складзе ад 7 да 35%, паведамляе РКБ.

Больш за ўсё падаражэюць пеністыя віны геаграфічнай маркіроўкі «Імперыял» – на 35%, вырастуць кошты і «Рускага шампанскага «Кашэрнае», а таксама джын і сідр ад «Абрау-Дзюрса». Усяго на 7% падаражэюць пеністыя віны брэнда «Ведэрнікаў» і «Рускае шампанскае».

У кампаніі дадалі, што вырастуць кошты і безалкагольнага сегменту – тонікі, безалкагольныя пеністыя віны і дзіцячае шампанскае. Рост тлумачыцца зменай акцызных ставак, падаражэннем вытворчасці і лагістычнымі праблемамі.

«Сапраўды, мы апавясцілі дыстрыбутараў аб карэктаванні коштаў», – пацвердзіла павышэнне коштаў дырэктарка камунікацый і сувязяў з грамадскасцю кампаніі Вольга Фірстова. З яе слоў, рост коштаў будзе першым за апошнія два гады.

Паводле звестак крыніц РБК, нацыяналізаваны вытворца віна «Кубань-Віно» таксама заявіў аб павышэнні коштаў ад 1 да 35%.

Напісаць каментар 3

Таксама сачыце за акаўнтамі Charter97.org у сацыяльных сетках