Прэзідэнт Ізраілю аб нападзе Ірана: Гэта было абвяшчэннем вайны

Краіна зробіць неабходныя крокі, неабходныя для абароны народу.

Прэзідэнт Ізраілю Іцхак Герцаг даў інтэрв'ю брытанскай тэлекампаніі SkyNew у сувязі з беспрэцэдэнтным іранскім нападам на Ізраіль. На пытанне, як павінен Ізраіль адказаць на ракетны абстрэл, Герцаг адказаў:

«Кожны з нас пытаецца: што б зрабілі вы, калі б вы падпалі такому агрэсіўнаму нападу, які перанеслі мы ўчора ўвечары з усіх канцоў Блізкага Усходу: нас абстрэльвалі ракетамі, у тым ліку балістычнымі, ракетамі сярэдняй і малой далёкасці, а таксама атакавалі баявымі дронамі».

«Гэта ж сапраўдная вайна. Фактычна, гэта абвяшчэнне вайны, – працягнуў прэзідэнт Ізраілю. – Але паколькі мы знаходзімся ў напружанні, і паколькі мы здольныя даць неабходны адказ, а таксама паколькі мы імкнемся да балансу ў стасунках з нашымі партнёрамі, мы ўзважым усе магчымыя варыянты. І я ўпэўнены, што мы зробім неабходныя крокі, неабходныя для абароны нашага народу. Мы не шукаем вайны, гэта я вам дакладна магу сказаць».