«Прызнайце пратэрмінаваныя беларускія пашпарты сапраўднымі!»
4- 15.04.2024, 9:15
- 7,144
![«Прызнайце пратэрмінаваныя беларускія пашпарты сапраўднымі!»](https://i.c97.org/ai/591530/aux-head-1713161737-20240411_belarusy_czarnagoryja_360.png)
Беларусы Чарнагорыі выступілі з заявай.
Беларусы Чарнагорыі правялі ў Падгорыцы перад офісам Рады Еўропы мітынг з мэтай прыцягнення ўвагі міжнароднай супольнасці да сітуацыі з беларускімі пашпартамі.
Арганізатары распавялі сайту Charter97.org што, на мітынг прыехалі з усёй краіны - беларусы з Будвы, Херцэг-Нові, Бара. Мітынгоўцы звярнуліся з афіцыйнай заявай.
![](https://i.c97.org/ai/591530/aux-1713161620-image_2024_04_14T17_42_45_268Z.png)
«Мы грамадзяне Рэспублікі Беларусь. Мы легальна жывём у Чарнагорыі і плацім падаткі тут. Для падаўжэння знаходжання неабходны дзейны пашпарт.
У многіх з нас хутка заканчваецца тэрмін дзеяння пашпартоў. Мы не можам прадоўжыць або абмяняць пашпарты ў амбасадзе Беларусі: у верасні 2023 года Лукашэнка сваім указам пазбавіў дыпламатаў такіх паўнамоцтваў. Цяпер гэта можна зрабіць толькі ў Беларусі.
Для нас гэта рызыка страты свабоды, маёмасці, здароўя і жыцця.
Прызнайце пратэрмінаваныя беларускія пашпарты сапраўднымі. Падобная пастанова прынятая ўжо ў Аўстрыі, Нямеччыне, Швэцыі. Не патрабуйце апастыль на дакументах грамадзян Беларусі - бо ён не патрабуецца для ўкраінцаў і расейцаў», - гаворыцца ў заяве.