29 траўня 2024, Серада, 1:34
Падтрымайце
сайт
Сім сім,
Хартыя 97!
Рубрыкі

Шольц заклікаў Сі пераканаць Пуціна спыніць вайну ва Украіне

23
Шольц заклікаў Сі пераканаць Пуціна спыніць вайну ва Украіне

«Слова Кітая мае вагу ў Расеі», - растлумачыў сваю просьбу канцлер Нямеччыны.

Канцлер Нямеччыны Олаф Шольц заклікаў старшыню КНР Сі Цзіньпіна паўплываць на расейскага прэзідэнта Уладзіміра Пуціна і пераканаць таго скончыць вайну ва Украіне. «Слова Кітая мае вагу ў Расеі. Таму я папрасіў Сі націснуць на Расею, каб Пуцін нарэшце спыніў сваю вар'яцкую кампанію, вывеў свае войскі і скончыў гэтую жахлівую вайну», - напісаў Шольц у аўторак, 16 красавіка, у сваім акаўнце ў сацсетцы X.

Са слоў канцлера, Сі Цзіньпін таксама пагадзіўся падтрымаць мірную канферэнцыю па Украіне, якая пройдзе ў Швэйцарыі ў сярэдзіне чэрвеня. «Кітай і Нямеччына маюць намер інтэнсіўна і пазітыўна каардынаваць намаганні па садзейнічанні арганізацыі канферэнцыі высокага ўзроўню ў Швэйцарыі і будучых міжнародных мірных канферэнцый», - напісаў ён.

Сустрэча нямецкага канцлера і старшыні КНР адбылася ў заключны дзень трохдзённай паездкі Олафа Шольца ў Кітай. Акрамя вайны ва Украіне лідары ў суправаджэнні некалькіх міністраў і бізнэс-дэлегацыі абмеркавалі абарону клімату і эканамічнае супрацоўніцтва Нямеччыны і Кітая.

Напісаць каментар 23

Таксама сачыце за акаўнтамі Charter97.org у сацыяльных сетках