21 траўня 2024, aўторак, 3:02
Падтрымайце
сайт
Сім сім,
Хартыя 97!
Рубрыкі

Samsung выйшаў у лідары ў продажы смартфонаў

14
Samsung выйшаў у лідары ў продажы смартфонаў

Абышоў Apple.

Samsung абышоў Apple у продажы смартфонаў у свеце ў I квартале 2024 г., паводле даследавання кампаніі International Data Corporation (IDC). Паводле вынікаў квартала Samsung прадаў 60,1 млн смартфонаў і заняў 20,8% сусветнага рынку, у той час як Apple рэалізаваў 50,1 млн iPhone, заняўшы дзель 17,3%.

Хоць Samsung стаў лідарам у адгрузках смартфонаў, год да году продажы скараціліся – на 0,7%. У Apple жа продажы ўпалі на 9,6%. На трэцім месцы размясціўся Xiaomi з 40,8 млн прыладаў (рост на 33,8% да I квартала 2023 г.) на чацвёртым – Transsion (брэнды Infinix, Tecno і iTel), які нарасціў продажы больш за ўсіх – адразу на 84,9%, да 28,5 млн. Пяцёрку лідараў замыкае Oppo з 25,2 млн прыладаў (-8,5%).

Продаж смартфонаў Apple ніжэйшы за прагнозы Bloomberg, аналітыкі ў сярэднім чакалі пастаўкі 51,7 млн смартфонаў. Як піша агенцтва, падзенне продажаў амаль на 10% звязана з праблемамі на кітайскім рынку. Там частка мясцовых кампаній і ўрадавых арганізацый забараняе выкарыстоўваць iPhone у адказ на абмежаванні, якія ЗША ўводзяць да кітайскіх праграмаў.

У IV квартале 2023 г. Apple абагнаў Samsung у продажах смартфонаў, паводле звестак IDC. Вытворца iPhone заняў тады 24,7% сусветнага рынку, паставіўшы 80,5 млн прыладаў. Samsung жа адгрузіў 53 млн смартфонаў, заняўшы 16,3% рынку.

У цэлым жа глабальны рынак смартфонаў «выходзіць з турбулентнасці апошніх двух гадоў», пракаментавала дырэктарка ў даследаваннях IDC Набіла Патрап. Надалей продажы смартфонаў на базе аперацыйнай сістэмы Android будуць расці значна хутчэй за iPhone.

Напісаць каментар 14

Таксама сачыце за акаўнтамі Charter97.org у сацыяльных сетках