30 траўня 2024, Чацвер, 5:56
Падтрымайце
сайт
Сім сім,
Хартыя 97!
Рубрыкі

У Маскве загарэўся адзіны ў РФ завод у вытворчасці боепрыпасаў для С-300 і С-400

19
У Маскве загарэўся адзіны ў РФ завод у вытворчасці боепрыпасаў для С-300 і С-400

Што вядома.

У Маскве адбыўся пажар на тэрыторыі завода «Авангард». Завод уваходзіць у склад акцыянернага таварыства «Канцэрн паветрана-касмічнай абароны “Алмаз-Антэй”».

Пра гэта паведамляе Telegram-канал Astra.

Паводле папярэдніх звестак, пажар распаўсюдзіўся на тэрыторыю 50 квадратных метраў. На гэты час пажар не патушаны.

Што стала прычынай пажару і ці ёсць ахвяры – пакуль невядома.

АТ Маскоўскі машынабудаўнічы завод «Авангард» уваходзіць у склад акцыянернага таварыства «Канцэрн паветрана-касмічнай абароны “Алмаз-Антэй”», вырабляючы боепрыпасы для зенітна-ракетных комплексаў С-300 і С-400.

Пры гэтым на сайце завода пазначана, што прадпрыемства з'яўляецца адзіным у Расеі, які вырабляе гэтыя ракеты. Паводле звестак 2017 года – на заводзе працавалі 2,5 тысячы супрацоўнікаў.

Раней паведамлялася, што ў Екацерынбурзе адбыўся вялікі пажар на тэрыторыі цэха машынабудаўнічага завода «Уралмаш». Агонь распаўсюдзіўся на плошчу некалькі тысячаў квадратных метраў.

А ў лютым у Маскве адбыўся пажар на заводзе «МіГ», які займаецца поўным абслугоўваннем – ад канструявання да рамонту – аднайменных знішчальнікаў – носьбітаў «Кінжалаў», якія ўдзельнічаюць ва ўдарах па Украіне.

Напісаць каментар 19

Таксама сачыце за акаўнтамі Charter97.org у сацыяльных сетках