21 траўня 2024, aўторак, 4:13
Падтрымайце
сайт
Сім сім,
Хартыя 97!
Рубрыкі

У Гомелі да мужчыны прыйшлі «пакупнікі» дома і арыштавалі маёмасць

6
У Гомелі да мужчыны прыйшлі «пакупнікі» дома і арыштавалі маёмасць

Гэта як?

Жыхар Гомеля выставіў на продаж катэдж, да яго прыйшлі патэнцыйныя "пакупнікі" і арыштавалі частку маёмасці. Як такое можа здарыцца, расказалі ў галоўнай управе юстыцыі Гомельскага аблвыканкама.

Паводле інфармацыі ведамства, мужчына летась пазычыў у фізічнай асобы больш за 6 тысяч рублёў. Пры гэтым пазыку не вяртаў, бо няма грошай, перадалі словы гомельца ў галоўнай управе юстыцыі.

Каб пераканацца ў гэтым, гэта значыць праверыць «маёмаснае становішча» мужчыны, судовым выканаўцам трэба было агледзець ягоны дом. Як распавялі ў ведамстве, пры «шматлікіх візітах» у катэджы нікога не было. Аднак у адным з рэйдаў супрацоўнік аддзела прымусовага выканання заўважыў расцяжку на фасадзе будынку, якая паведамляла, што катэдж прадаецца.

Так у судовых выканаўцаў «нарадзілася ідэя сцэнару «падстаўнога пакупніка». Гамяльчук узяўся, «ва ўсіх фарбах распісаў добрыя якасці нерухомасці», выслаўшы пры гэтым патэнцыйным «пакупнікам» фатаграфіі дома. Так судовыя выканаўцы змаглі дыстанцыйна ацаніць «маёмаснае становішча» мужчыны, а таксама падрыхтаваць акты арышту ўласнасці.

Што і зрабілі, як адзначылі ў галоўным управе юстыцыі, пры сустрэчы з гамельчуком у тым самым катэджы. Вядома, што частку арыштаванай маёмасці адправілі на продаж, атрыманыя з гэтага сродку пойдуць на выплату запазычанасці мужчыны, дадалі судовыя выканаўцы.

Напісаць каментар 6

Таксама сачыце за акаўнтамі Charter97.org у сацыяльных сетках