Еўрадэпутат Анджэй Халіцкі: Так не можа прадаўжацца!
6- 18.04.2024, 17:42
- 12,144
Польскі палітык заклікаў неадкладна вызваліць палітычную зняволеную Паліну Шарэнду-Панасюк.
Еўрадэпутат ад Польшчы Анджэй Халіцкі ў Брусэлі сустрэўся з галоўнай рэдактаркай сайта Charter97.org Наталляй Радзінай, праваабаронцам і былым палітвязнем Леанідам Судаленкам і актывістам грамадзянскай кампаніі "Еўрапейская Беларусь" Андрэем Шарэндам.
Польскі палітык заклікаў да неадкладнага вызвалення палітычнай зняволенай, актывісткі “Еўрапейскай Беларусі” Паліны Шарэнды-Панасюк.
Пра гэта палітык напісаў у X (Twitter).
‼️ Od 4 lat reżim Łukaszenki bezprawnie przetrzymuje za kratami Palinę Sharendę-Panasiuk. Skandaliczna kara ma się skończyć za miesiąc (21 maja).
— Andrzej Halicki MEP (@AndrzejHalicki) April 18, 2024
Rodzina dowiaduje się, że reżim chce przedłużyć tę karę, bez podstaw i wyroku. To nie może się wydarzyć! Upominamy i będziemy… pic.twitter.com/QLRNxn8SEK
«Ужо чатыры гады рэжым Лукашэнкі незаконна трымае за кратамі Паліну Шарэнду-Панасюк. Скандальнае пакаранне павінна скончыцца праз месяц (21 траўня).
Яе сям'я даведалася, што рэжым хоча падоўжыць гэтае пакаранне без падстаў і прысуду. Так не можа прадаўжацца! Нагадваем і будзем нагадваць пра Паліну і іншых палітычных зняволеных!» - напісаў Анджэй Халіцкі.
Нагадаем, што ў гэтыя дні галоўная рэдактарка сайта Charter97.org Наталля Радзіна, праваабаронца, былы палітвязень Леанід Судаленка і актывіст грамадзянскай кампаніі «Еўрапейская Беларусь», муж палітычнай зняволенай Паліны Шарэнды-Панаюск Андрэй Шарэнда знаходзяцца ў Брусэлі, дзе ўдзельнічаюць у афіцыйнай сустрэчы сувязяў з Беларуссю і абмяркоўваюць сітуацыю з палітычнымі зняволенымі.
