У Крыме разбіўся Z-блогер Міша з Канады

Ураджэнец расейскага Магадана пераехаў на паўвыспу пасля акупацыі.

Уночы 20 красавіка ў акупаваным Севастопалі развітаўся з жыццём небяспечны вораг Украіны Міхаіл Каспераў.

Інфармацыя аб смерці з'явілася раніцай на ягоным жа канале ў Telegram "Міша з Канады", піша Диалог.UA.

Ураджэнец расейскага Магадана Каспераў пераехаў у Крым пасля акупацыі.

Пражываючы на паўвыспе, ён займаўся прапагандай, зборам сродкаў вайскоўцам РФ, а таксама цкаваў мясцовых жыхароў за праўкраінскія погляды.

Сёння ўночы ён, катаючыся на сваім матацыкле Harley-Davidson, не даў рады кіраванню і выехаў насустрач.

Там ён у лоб сутыкнуўся з аўтамабілем "ВАЗ -2114". Ад матацыкла засталася толькі груда абломкаў.

Каспераў атрымаў раненні, несумяшчальныя з жыццём. Яго паспелі давезці да рэанімацыі, аднак адхаяць не змаглі.

Адзначым, што Каспераў фігуруе на сайце ўкраінскага “Міратворца”. Яго там называюць “памагатым расейскіх акупантаў і антыўкраінскім прапагандыстам”.

“Свядомае парушэнне Дзяржаўнай мяжы Украіны з мэтай пранікнення ў захоплены расейскімі акупантамі Крым. Удзел у прапагандысцкіх мерапрыемствах РФ супраць Украіны. Удзел у спробах легалізацыі акупацыі АР Крым расейскімі захопнікамі”, - гаворыцца ў профілі акупанта.