21 траўня 2024, aўторак, 16:39
Падтрымайце
сайт
Сім сім,
Хартыя 97!
Рубрыкі

Пад Марыюпалем заўважылі тэхніку акупантаў з новай маркіроўкай

7
Пад Марыюпалем заўважылі тэхніку акупантаў з новай маркіроўкай

Падобныя знакі зафіксаваны ўпершыню.

Пасля ўдару па базе расейскіх вайскоўцаў у часова акупаваным Марыюпалі Данецкай вобласці расейскія войскі РФ хаваюцца па горадзе, таксама працягваецца перакідка расейскіх рэзерваў. Як піша gordonua.com, пра гэта дарадца мэра Марыюпаля Пётр Андрушчанка паведаміў у Telegram.

"Фіксуем важнае перамяшчэнне вайсковай тэхнікі ў кірунку поўначы вобласці і новыя маркіроўкі", - дадаў ён.

Са звестак дарадцы мэра, з бердзянскага кірунку праз Мангуш і Мікольскае Данецкай вобласці на поўнач рэгіёну РФ перакінулі танкавае падраздзяленне - калону, складзеную з 10 тралаў з БМП, а таксама з васьмі тралаў з танкамі і 10 грузавікоў рамонтна-аднаўленчага батальёна.

“Прынамсі 10 тэнтаваных КАМАЗаў з боекамплектам з бердзянскага кірунку [праехалі] праз Кальміускі раён горада [Марыюпаля] з новымі маркіроўкамі (на фота). Прыналежнасць высвятляем, але такая маркіроўка зафіксавана ўпершыню”, – падкрэсліў Андрушчанка.

Паводле ягонай ацэнкі, такое перамяшчэнне тэхнікі можна назваць нязвыклым. Яно паказвае на магчымае падвышэнне актыўнасці і ўвядзенне дадатковых рэзерваў у першую чаргу на мар'інска-курахаўскім кірунку або ў раёне Вугледара Данецкай вобласці, мяркуе дарадца мэра.

Ён таксама адзначыў, што пасля трапляння па базе акупантаў на меткамбінаце імя Ільіча 19 красавіка расейцы пачалі зноў раскватароўвацца ў шматпавярховіках і паркуюць вайсковыя аўтамабілі па дварах.

“Пасля выбуху на Ільіча імгненна рассмакталіся з тэрыторыі завода па горадзе. Узровень трывожнасці на максімалках”, – сказаў на заканчэнне Андрушчанка.

Напісаць каментар 7

Таксама сачыце за акаўнтамі Charter97.org у сацыяльных сетках