24 траўня 2024, Пятніца, 4:37
Падтрымайце
сайт
Сім сім,
Хартыя 97!
Рубрыкі

У Беларусі пачынаецца адпраўка навабранцаў у войска

2
У Беларусі пачынаецца адпраўка навабранцаў у войска

Усяго плануецца адправіць у войска 10 тысяч чалавек.

У аўторак, 23 красавіка, пачынаецца адпраўка ў вайсковыя часці Узброеных сіл, унутраных войскаў МУС, органаў памежнай службы і дзяржаўнай бяспекі юнакоў, набраных на тэрміновую вайсковую службу, паведамляе Міністэрства абароны.

Набор на тэрміновую вайсковую службу і службу ў рэзерве ў лютым — траўні 2024 года праводзіўся ў адпаведнасці з указам Лукашэнкі ад 12 лютага 2024 года.

На тэрміновую службу і ў рэзерв з лютага да траўня набралі беларусаў, якім споўнілася 18 гадоў і ў якіх няма адтэрміноўкі ад службы або яны яе страцілі.

Таксама ўказ прадугледжвае набор на службу ў рэзерве першакурснікаў з ВНУ аграрнага профілю, у якіх ёсць адтэрміноўка, але якія захацелі прайсці службу.

Таксама, акрамя набору на службу, у войску пройдзе звальненне ў запас вайскоўцаў, якія адслужылі ў войсках належныя тэрміны.

Са звестак ведамства, у першы дзень у войска накіруюць блізу тысячы навабранцаў. Яны папоўняць шэрагі Сіл спецыяльных аперацый, 72 Аб'яднанага навучальнага цэнтра падрыхтоўкі прапаршчыкаў і малодшых спецыялістаў і Менскай вайсковай камендатуры.

Усяго на ўкамплектаванне Узброеных сіл, іншых войскаў і вайсковых фармаванняў у красавіку-траўні плануюць накіраваць блізу 10 тысяч чалавек.

Напісаць каментар 2

Таксама сачыце за акаўнтамі Charter97.org у сацыяльных сетках