Украінскія дроны атакавалі расейскую нафтабазу ў Пскоўскай вобласці

"Спрацавала СПА", якой у гэтай галіне РФ няма.

Уночы 21 красавіка ўкраінскія беспілотнікі атакавалі нафтабазу “Пскоўнафтапрадукт” у Вялікіх Луках Пскоўскай вобласці, піша Telegram-канал ASTRA.

Мясцовыя СМІ паведамляюць, што два дроны збілі сіламі рэгіянальнага СПА.

Пры гэтым тэлеграм-канал “Пскоўская губерня” адзначае, што ў канцы сакавіка кіраўнік рэгіянальнага УМУС Аляксей Аўсяннікаў казаў, што на тэрыторыі Пскоўскай вобласці няма СПА.

Мясцовыя ўлады не каментавалі сітуацыю.