16 чэрвеня 2024, Нядзеля, 5:04
Падтрымайце
сайт
Сім сім,
Хартыя 97!
Рубрыкі

Прабіцца да мора: з новай зброяй з ЗША Украіна адновіць наступ

Прабіцца да мора: з новай зброяй з ЗША Украіна адновіць наступ

УСУ атрымаюць другі шанец прабіць «лінію Суравікіна».

Чаканае аднаўленне паставак амерыканскай зброі дазволіць Узброеным сілам Украіны вярнуцца да наступальных дзеянняў аж да пераразання «наземнага калідора» ў Крым.

Такое меркаванне ў каментары «Фокусу» выказаў палкоўнік запасу УСУ, вайсковы эксперт Пётр Чэрнік.

З яго слоў, рэальны баявы сцэнарый прадугледжвае аднаўленне спроб прабіцца праз «лінію Суравікіна» - эшаланаваную сістэму расейскай абароны на акупаваным поўдні. Чэрнік мяркуе, што ва УСУ зноў з'явіцца мэта выйсці на Мелітопаль і размешчаны на поўдзень ад яго Малочны Ліман.

«УСУ могуць перарэзаць наземны калідор да Крыма і абрынуць паўднёвы плацдарм. Пасля поспехаў на поўдні трэба паглядзець і зразумець, якое будзе наступнае тактычнае заданне», - прагназуе аналітык.

Што тычыцца планаў ворага, то Чэрнік чакае далейшых спроб выйсці на адмінмежы Данецкай і Луганскай абласцей. Першачарговай мэтай акупантаў тут з'яўляецца горад Часаў Яр.

Аналітык зазначае, што сітуацыя на полі бою будзе залежаць ад фактычных аб'ёмаў паставак заходняй зброі Украіне.

Напісаць каментар

Таксама сачыце за акаўнтамі Charter97.org у сацыяльных сетках