20 чэрвеня 2024, Чацвер, 16:05
Падтрымайце
сайт
Сім сім,
Хартыя 97!
Рубрыкі

Тры захапляльныя серыялы з высокім рэйтынгам для вечаровага прагляду

5
Тры захапляльныя серыялы з высокім рэйтынгам для вечаровага прагляду

Іх стварылі паводле папулярных відэагульняў.

Калі відэагульні адаптуюць да сюжэту вядомага фільма ці серыялу – гэта звычайная справа, якой нікога не здзівіш. Затое стужак паводле гульняў не так шмат, але і яны запаланяюць кінаіндустрыю ў апошнім часам.

«Кіно 24» падабраў адны з самых папулярных серыялаў паводле відэагульняў. Гэтыя кінакарціны былі ў топах рэйтынгаў і атрымалі немалую колькасць прэмій. Іх варта паглядзець нават у тым выпадку, калі вы не фанат той ці іншай гульні.

«Адны з нас»

Жанр: прыгоды, постапакаліптыка.

Краіна: ЗША.

Рэйтынг IMDb: 8.7.

Гульня і серыял паказваюць гісторыю кантрабандыста Джоэла і ягонай юнай спадарожніцы. Яны спрабуюць выжыць у свеце, спустошаным праз пандэмію грыбку. Заражаныя ім становяцца людаедамі. У страшных рэаліях ёсць шанец на жыццё: 14-гадовая дзяўчынка мае імунітэт да інфекцыі, а значыць пасля даследаванняў можа стаць ключом для стварэння лекаў.

Відэагульня The Last of Us стала адной з самых прадаваных, а серыял паводле яе сюжэту атрымаў 8 узнагародаў кінапрэміі Эмі. Другі сезон павінен выйсці ў 2025 годзе.

«Вядзьмак»

Жанр: Фэнтэзі, прыгоды.

Краіна: ЗША, Польшча.

Рэйтынг IMDb: 8.0.

Серыял зняты паводле не толькі гульні, але і раманаў. Гісторыя разгортваецца ў час, калі існуюць чараўнікі, цмокі і пачвары, а светам кіруюць каралі. Генры Кавіл згуляў галоўнага героя Геральта. Гэта вядзьмак, які валодае звышнатуральнай сілай і палюе на монстраў. Ягонае жыццё мяняецца, калі Геральту даводзіцца абараняць маленькае каралеўства і знайсці маладую кіраўніцу, якую падступна выкралі.

Летась на Netflix стартаваў 3 сезон серыялу. Дзякуючы цікавасці да яго значна выраслі продажы відэагульні.

«Фалаўт»

Жанр: постапакаліптыка, драма.

Краіна: ЗША.

Рэйтынг IMDb: 8.6.

Зусім свежы сёлетні серыял створаны паводле гульні Fallout. Сюжэт разгортваецца ў ЗША праз 200 гадоў пасля ядзернай вайны з Кітаем. Кіно расказвае пра постапакаліптычны свет, дзе выратаваным людзям даводзіцца выходзіць са сваіх сховішчаў. Галоўная гераіня Люсі наважваецца выйсці ў свет, каб знайсці свайго бацьку.

Сцэнар серыялу не дублюе сюжэт гульні, а з'яўляецца дадаткам. Тут і гумар, і ўдалая экранізацыя. Першы сезон гэтага серыялу атрымаўся даволі паспяховым і атрымаў папулярнасць. Менавіта таму яго прадоўжылі на другі сезон.

У Беларусі ўнеслі важныя змены ў правілы рэгістрацыі аўто

У тым ліку скарочаны тэрмін зняцця аўто з уліку.

Пытанні дзяржрэгістрацыі і дзяржуліку транспартных сродкаў у Беларусі змяніў саўмін. Адпаведная пастанова апублікаваная на Нацыянальным прававым інтэрнэт-партале. У дакуменце сказана пра змяненне парадку дзяржаўнай рэгістрацыі і дзяржаўнага ўліку транспартных сродкаў, у тым ліку зняцця іх з уліку.

Сярод іншага, прававым актам прадугледжаная магчымасць выдачы пасведчання аб рэгістрацыі транспартнага сродку ў выпадках ягонай страты (крадзяжу), непрыдатнага для выкарыстання стану або выдачы такога пасведчання ўзамен тэхнічнага пашпарта без правядзення агляду транспартнага сродку.

Таксама павялічаны тэрмін абарачэння ўласніка для рэгістрацыі транспартнага сродку з 10 да 30 дзён.

Яшчэ скарэктаваныя патрабаванні да парадку рэгістрацыі пасля правядзення праверкі, звязанай з выяўленнем прыкметаў відазмянення ідэнтыфікацыйнага нумара або падробкі рэгістрацыйных дакументаў.

Акрамя таго, скарочаны тэрмін зняцця аўто з уліку з трох гадоў да аднаго года ў выпадку яго ўтылізацыі.

Адзначаецца, што асноўныя палажэнні пастановы пачынаюць дзеянне з 17 чэрвеня 2024 года.

Напісаць каментар 5

Таксама сачыце за акаўнтамі Charter97.org у сацыяльных сетках