«Беларусбанк» увёў новыя абмежаванні на некаторыя аперацыі з аплатнымі карткамі

Што змянілася?

«Беларусбанк» змяняе пералік абмежаванняў на некаторых аперацыях з аплатнымі карткамі, паведамляе прэс-служба фінанасавай установы.

Цяпер у «Беларусбанку» ўстаноўлены ліміты на грашовыя пераводы, а таксама на правядзенне некаторых расходных аперацый з выкарыстаннем аплатных карт.

Гэта азначае, што за дзень кліент можа перавесці на іншую картку або здзейсніць расходную аперацыю на абмежаваную суму. Гэтая мера была зробленая для таго, каб мінімізаваць крадзяжы з рахункаў кліентаў.

З 27 траўня банк уносіць змены ў гэтыя абмежаванні.

Што мяняецца?

Для картак клуба «Бархат» сума абмежавання павялічваецца з 400 да 600 рублёў за дзень. Для ўсіх астатніх карт ліміт застаецца ранейшым – 3 000 рублёў.

Гэтыя абмежаванні цяпер дадаткова распаўсюджваюцца на аперацыі аплаты ў фінансавых сэрвісах з МСС-кодам 6537, а таксама на аперацыі ў інфакіёсках і банкаматах банка:

грашовыя пераводы (уключаючы пераводы паміж карткамі «Беларусбанка» аднаго кліента і на карткі «ўлюбёных» асабістых нумароў);

аплата ў сервісах с МСС-кодамі 4812, 4813, 4814, 4816, 4829, 4899, 4900, 6012, 6050, 6051, 6211, 6537, 6538, 6540 (акрамя адкрыцця і папаўнення ўкладаў банка, пакупкі аблігацый або акцый банка, пагашэння крэдытаў банка праз каналы ДБА).

Гэтыя абмежаванні можна скасаваць праз званок у кантакт-цэнтр 147 ці напісаўшы заяву ва ўстанове банка.

«Адначасова можна аднавіць названыя вышэй абмежаванні, калі кліент іх раней скасаваў: для гэтага неабходна звярнуцца ва ўстанову банка», - паведамілі ў прэс-службе «Беларусбанка».