Менчукі ператварылі старую аднапакаёўку ў стыльную студыю
10- 24.04.2024, 22:40
- 14,248
![Менчукі ператварылі старую аднапакаёўку ў стыльную студыю](https://i.c97.org/ai/592811/aux-head-1713982591-20240101_viza_360.jpg)
Гэта што, праўда хрушчоўка?
Кватэра ў хрушчоўцы – гэта не прысуд. Дзякуючы разумным дызайнерскім ідэям яе можна ператварыць у цукерку. Свежы прыклад – 30-метровая студыя ў цэнтры Менска, на вуліцы Захарава. Выглядае яна так, нібы апынуўся ў новабудоўлі, а не ў пяціпавярхоўцы 1964 года. Узрост дома выдае толькі маленечкая кухня – яна засталася ад ранейшай планіроўкі, піша «Анлайнер».
![](https://i.c97.org/ai/592811/aux-1713982605-1.jpg)
![](https://i.c97.org/ai/592811/aux-1713982605-2.jpg)
Трапляючы ў кватэру, адразу зважаеш на дзёрзкі колер сценаў – яны тут сінія. Разводзяць іх бэжавыя шпалеры і тэкстура дрэва на падлозе – гэта кварцвініл.
![](https://i.c97.org/ai/592811/aux-1713982605-3.jpg)
Жыллё ўключае ў сябе пярэдні пакой і асобную кухню з рэтра-лядоўняй дзёрзкага адцення, філянговымі чорна-белымі фасадамі, прыгожай шкляной вітрынай і барнай стойкай замест прываконня (разумная ідэя, каб зэканоміць метры).
![](https://i.c97.org/ai/592811/aux-1713982605-4.jpg)
![](https://i.c97.org/ai/592811/aux-1713982605-5.jpg)
Асноўны пакой – гэта адначасова і гасцёўня з канапай і дызайнерскай свяцільняй, і спальня з мяккім падгалоўем ложка, і кампактны гардэроб, аддзелены ад агульнай прасторы драўлянымі рэйкамі.
![](https://i.c97.org/ai/592811/aux-1713982605-6.jpg)
![](https://i.c97.org/ai/592811/aux-1713982606-7.jpg)
![](https://i.c97.org/ai/592811/aux-1713982606-8.jpg)
Санвузел у аднадушцы сумешчаны.
![](https://i.c97.org/ai/592811/aux-1713982606-9.jpg)
Жыллё знаходзіцца недалёка ад парку Горкага і станцыі метро «Плошча Перамогі». Гаспадар хоча за яго $68 300 паводле курсу.