Польшча дапаможа Украіне вярнуць мужчын наборнага веку
141- 25.04.2024, 11:01
- 33,530
Пра гэта заявіў міністр абароны краіны.
Польшча гатовая дапамагчы Украіне вярнуць мужчын наборнага веку назад у краіну.
Пра гэта заявіў міністр абароны Уладзіслаў Касіняк-Камыш у сераду, 24 красавіка, паведамляе Reuters.
Раней Польшча прапаноўвала дапамагчы Украіне, каб тыя, хто падлягае вайсковай службе, вярнуліся ў сваю краіну для выканання свайго грамадзянскага абавязку.
"Думаю, многія палякі абураюцца, калі бачаць маладых украінскіх мужчын у гатэлях і кавярнях, і чуюць, колькі намаганняў нам даводзіцца прыкласці, каб дапамагчы Украіне", - сказаў ён.
Касіняк-Камыш не ўдакладніў, як будзе дапамагаць Польшча ў гэтым пытанні. Аднак дадаў, што "магчымая ўсялякая падтрымка", калі будзе зварот з боку Украіны.
Са звестак базы Еўрастата, на студзень 2024 года ў краінах Еўразвязу пражывае блізу 4,3 мільёна ўкраінцаў, з іх каля 860 тысяч - дарослыя мужчыны.