Дапамога ЗША ўжо пачала паступаць ва Украіну

Пра гэта паведаміў Зяленскі.

Вайсковая дапамога ад ЗША часткова ўжо пачала паступаць ва Украіну, паведаміў прэзідэнт Уладзімір Зяленскі ў панядзелак падчас супольнай прэс-канферэнцыі з генеральным сакратаром NATO Енсам Столтэнбэргам падчас яго візіту ў Кіеў.

Зяленскі адзначыў, што расейцы рыхтуюцца да вялікага наступу, таму Украіне і NATO трэба супольна сарваць іх планы.

«Нешта ўжо пачало паступаць, у дэталях не буду казаць, што канкрэтна. На жаль, пакуль не ўсё для таго, каб напоўніць наша войска і ўкамплектаваць адпаведную колькасць брыгад», - сказаў ён.

Адзначым, што Зяленскі таксама запэўніў, што Украіна будзе атрымліваць дадатковыя ракеты для сістэм Patriot без паўзаў, а наконт паступлення дадатковых сістэм Patriot канкрэтыкі пакуль няма.