У Менску асвятляльная мачта ўпала на дарогу на ажыўленым праспекце

Рух абцяжараны.

Здарэнне адбылося ў Менску на праспекце Жукава. Асвятляльная мачта ўпала на праезную частку, пры гэтым абарваліся лініі электраперадач.

Рух з боку вуліцы Харкаўскай у кірунку праспекта Дзяржынскага ўскладнены. На месцы працуюць супрацоўнікі ДАІ і камунальнікі.

Прычыны падзення мачты высвятляюцца. Аб пацярпелых сталічная ДАІ нічога не паведамляе.