Politico: Фармат Рамштайн можа перайсці пад кантроль NATO

Гэта дазволіць дзяржавам-сябрам Альянсу мець больш уплыву.

Краіны Захаду разглядаюць магчымасць перадачы кантролю над Кантактнай групай у пытаннях абароны Украіны, якая вядома як фармат Рамштайн, у NATO. Гэта адбудзецца, калі на будучых прэзідэнцкіх выбарах у ЗША пераможа Дональд Трамп.

Аб гэтым паведаміла Politico, спасылаючыся на трох еўрапейскіх і аднаго амерыканскага чыноўніка. Абмеркаванне паступовага пераходу фармату Рамштайн пад кантроль NATO, магчыма, абмяркуюць на сустрэчы міністраў замежных спраў Альянсу ў Брусэлі 3-4 красавіка. Аднак канчатковую пастанову будуць прымаць толькі ў ліпені - на саміце лідараў NATO ў Вашынгтоне.

Як адзначаецца, такая змена дазволіла б дзяржавам-сябрам Альянсу мець больш уплыву, калі Трамп стане прэзідэнтам і будзе выступаць супраць паставак зброі Украіне.

"Падпарадкаванне гэтага праекта NATO пэўным чынам ізалюе яго ад прэзідэнцтва Трампа ці нават ад ЗША, якія могуць адцягнуцца на Кітай і не справіцца з гэтай задачай, або не справіцца са сваім уласным фінансаваннем", - растлумачыў Джым Таўнсэнд, былы супрацоўнік Пентагона і NATO.

Цяпер абмеркаванні па пераходзе групы пад кантроль NATO праводзяцца на высокім узроўні з мэтай афіцыйнага пацвярджэння падтрымкі Кіева з боку Еўропы і Альянсу. У перспектыве гэта зробіць фармат Рамштайн больш устойлівым.