«Людзі проста ідуць па праезнай частцы, хіба гэта нармальна?»

У Менску пешаходаў пазбавілі ходніка, іх гэта не збянтэжыла.

На менскай вуліцы Дамашэўскай, на пляцы ад Кальварыйскай да Харкаўскай, прыбралі ходнік. Проста перасунулі агароджу будаўнічай пляцоўкі ўшчыльную да праезнай часткі - і ўсё, «праходу няма». Але пешаходы так не думаюць - і ідуць звыклым маршрутам проста па дарозе.

- Усё гэта здарылася яшчэ на мінулым тыдні: проста пры мне плот раптам пачалі перастаўляць бліжэй да дарогі. Прычым ні знакаў, ні нармальнай агароджы не зрабілі, проста нейкія стужачкі нацягнулі, пару блокаў паставілі. А потым гэта ўсё прыбралі, проста на плот наляпілі паперкі, што праходу няма, і ўсё, - распавёў Onlíner чытач, які часта ходзіць па тым участку і цяпер сутыкнуўся з нечаканай цяжкасцю.

- У мяне ўзнікае некалькі пытанняў. Чаму загадзя няма папярэджанняў, што праходу далей няма? Той, хто ідзе першы раз, стаіць перад фактам, што далей дарогі няма. Так, там з'явіўся пераход, можна зараз перайсці на іншы бок, а потым зноў вярнуцца, калі, напрыклад, у метро трэба ці на Кальварыйскую. І гэта, мякка кажучы, няёмка.

Паглядзіце на фота: людзі ўсё роўна тамака ідуць, але проста па дарозе. Ну а калі так, чаму б там якія блокі не паставіць, не аддаць людзям гэтую першую паласу? Ну ці хаця б нармальна папераджальныя знакі і агароджы зрабіць? Цяпер там проста бардак нейкі. Я так разумею, так і будзе працягвацца да таго часу, пакуль кагосьці не саб'юць - і адразу ўсё з'явіцца, - разважае пешаход. І прызнаецца, што сам таксама ідзе ўздоўж плота па дарозе. Бо так яму прасцей.