Сіноптыкі распавялі, калі ў Беларусь вернецца цеплыня

Прагноз надвор'я на 4-6 красавіка.

Сіноптыкі расказалі, калі ў Беларусь вернецца цёпла. У чацвер будзе яшчэ холадна, чакаюцца снег, мокры снег, дождж і парывісты вецер.

Тэмпература ўначы складзе -3..+3°С, удзень - +3..+9°С, на паўднёвым захадзе Беларусі да +12°С. У Менску слупок тэрмометра максімум падымецца да +4°С.

У пятніцу на большай частцы тэрыторыі краіны пройдуць кароткачасовыя ападкі (дождж, уначы з мокрым снегам). Вецер удзень будзе парывістым. Уначы ад -4°C на паўночным усходзе да +8°C на паўднёвым захадзе краіны, максімальная тэмпература ўдзень складзе ад +6°C у паўночных раёнах да +16°C у паўднёвых.

6 красавіка, у суботу, пройдуць дажджы. Удзень у асобных раёнах магчымыя навальніцы. Ноч +2..+8°С, максімальная ўдзень +10..+17°С, у заходніх і паўднёвых раёнах Беларусі + 18..+20°С.

У Менску ў суботу прагназуецца ўжо +15°С, а ў панядзелак +19°С.