17 красавiка 2024, Серада, 0:22
Падтрымайце
сайт
Сім сім,
Хартыя 97!
Рубрыкі

Мінабароны Беларусі адправіць больш за 100 курсантаў вучыцца ў РФ

22
Мінабароны Беларусі адправіць больш за 100 курсантаў вучыцца ў РФ

Іх размяркуюць па 10 расейскіх ВНУ.

Міністэрства абароны Беларусі апублікавала на сваім сайце кантрольныя лічбы прыёму курсантаў у вайсковыя навучальныя ўстановы на 2024 год.

З прыведзеных звестак вынікае, што ўсе вайсковыя ВНУ і факультэты Беларусі набяруць 1250 студэнтаў. Больш за ўсё курсантаў - 687 - сёлета плануе прыняць Вайсковая акадэмія.

Вайсковыя факультэты ў іншых установах адукацыі павінны будуць прыняць 563 курсанты. Найбольшы набор будзе ў БНТУ - 132 чалавекі, у БДУІР набяруць 125 курсантаў, на вайсковы факультэт БДУ - 71 курсанта, у БДУТ - 63, у Беларускую дзяржакадэмію авіяцыі - 57, на вайсковыя спецыяльнасці медыцынскага інстытута Беларускага дзяржаўнага медыцынскага ўніверсітэта - 55. Акадэмія МУС прыме 5 чалавек, Універсітэт грамадзянскай абароны МНС - 2 чалавекі.

116 курсантаў будуць накіраваныя вучыцца ў Расею ў наступныя навучальныя ўстановы:

- Вайсковую акадэмію сувязі,

- Міхайлаўскую вайсковую акадэмію,

- Вайскова-касмічную акадэмію ім. А. Мажайскага,

- Вайскова-медыцынскую акадэмію,

- Варонежскую Вайскова-паветраную акадэмію,

- Яраслаўскую вучэльню супрацьпаветранай абароны,

- Чарапавецкі Вайсковы ўніверсітэт радыёэлектронікі,

- Разанскую паветрана-дэсантную вучэльню,

- Новасібірскую камандную вучэльню,

- Вайсковы інстытут вайсковых дырыжораў Вайсковага ўніверсітэта ў Маскве.

Напісаць каментар 22

Таксама сачыце за акаўнтамі Charter97.org у сацыяльных сетках