СМІ: Паўднёвая Карэя затрымала судна, якое накіроўвалася з КНДР у Расею

У абыход санкцыяў.

Паўднёвая Карэя затрымала судна, якое, парушаючы санкцыі ААН, накіроўвалася ў Расею з Паўночнай Карэі праз Кітай.

Пра гэта паведамляе РБК-Украіна са спасылкай на Yonhap News Agency.

На борце карабля знаходзіліся трынаццаць чалавек, у тым ліку кітайскі капітан і іншыя чальцы экіпажа з Кітая і Інданезіі.

Паведамляецца, што берагавая ахова Паўднёвай Карэі перамясціла судна і прышвартавала яго ў водах паўднёва-ўсходняга порта Пусан пасля таго, як чальцы экіпажа адмовіліся спыніць судна.

«Наш урад у цеснай каардынацыі са Злучанымі Штатамі праводзіць расследаванне імавернага парушэння адпаведным суднам рэзалюцый Рады Бяспекі ААН па Паўночнай Карэі», - заявіў выданню прадстаўнік міністэрства замежных спраў.

Паўднёвая Карэя мае права затрымліваць караблі

Паведамляецца, што ўлады не змаглі пацвердзіць, што знаходзіцца на борце судна, бо экіпаж адмаўляецца адчыняць грузавы адсек.

Рэзалюцыя ААН 2397, прынятая ў 2017 годзе, дазваляе краіне затрымліваць, правяраць і канфіскоўваць усякае судна ў яе тэрытарыяльных водах, якое падазраецца ва ўдзеле ў забароненай дзейнасці з Паўночнай Карэяй.

КНДР дапамагае Расеі

Паводле звестак Дзярждэпа, з верасня 2023 г. Паўночная Карэя паставіла Расеі больш за 10 тысяч кантэйнераў з боепрыпасамі або матэрыяламі, звязанымі з боепрыпасамі.

Яшчэ ў лютым прадстаўнік Галоўнай управы выведкі (ГУР) Міністэрства абароны Украіны Вадзім Скібіцкі заявіў, што Паўночная Карэя перадала Расейскай Федэрацыі 1500000 артылерыйскіх боепрыпасаў.

Нядаўна прадстаўнік Пентагона паведаміў, што партнёрства паміж Расейскай Федэрацыяй і КНДР працягвае мець поспех. Паўночная Карэя і надалей надае падтрымку.