Украінская выведка: З фронту масава дэзертуюць непальскія найміты
5- 1.05.2024, 14:20
- 7,472
Многім з іх расейцы проста не заплацілі.
Найміты з Непала - краіны ў Азіі, размешчанай паміж Індыяй і Тыбетам - масава дэзертуюць з расейскага войска. Пра гэта ў сваім тэлеграм-канале паведаміла ўкраінская выведка.
Паводле інфармацыі ведамства, уцёкі наймітаў з Непала выкліканы вялізнымі стратамі, жорсткім стаўленнем камандзіраў, уключаючы пазасудовыя пакаранні за адмову ад выканання загадаў ісці на верную смерць, а таксама — нявыплатай абяцаных грошай.
Групы расейцаў праводзяць актыўныя пошукі ўцекачоў па акупаваных украінскіх населеных пунктах, асабліва на Луганшчыне, дзе знаходзіўся асабовы склад в/ч 29 328, за якой замацаваныя непальцы, але, як правіла, вынікаў гэты працэс не дае.
Кіраўнікі расейскай мотастралковай вайсковай часці ў рапартах і дакладах "наверх" тлумачаць дэзерцірства непальцаў "адбыццём на радзіму праз землятрус".