ЗША пашырылі санкцыі супраць РФ

У спісе авіякампанія «Перамога» і шмат прадпрыемстваў.

Мінфін ЗША пашырыў антырасейскія санкцыі, пад абмежаванні патрапіла авіякампанія «Перамога», вынікае з апублікаванага на сайце ўстановы паведамлення.

Абмежаванні супраць яе абгрунтаваныя тым, што кампанія займаецца дзейнасцю «ў сектары эканомікі Расейскай Федэрацыі, прызначаным для падтрымкі ваенна-прамысловай базы Расеі». Пастаўкі тавараў і паслуг для авіякампаніі Мінфін ЗША дазволіў прадоўжыць да 30 ліпеня 2024 года.

Таксама пад санкцыі патрапілі структуры групы «Сібантрацыт» – АТ «Разрэз Калыванскі», ТАА «Сібантрацыт Цепласетка», ТАА «Сібантрацыт Партовыя Сэрвісы», ТАА «Кіроўная кампанія Сібантрацыт».

Прадпрыемствы, якія трапілі пад абмежаванні:

аўтазавод «Урал»;

Бранскі аўтазавод;

Валгаградскі трактарны завод;

Яраслаўскі маторны завод;

Балхоўскі завод паўправадніковых прыбораў;

Фразінскі завод магутных транзістараў;

навукова-вытворчае аб'яднанне «Марс»;

«99 завод авіяцыйнага тэхналагічнага абсталявання»;

завод «Пратон»;

завод «Юпітэр» і інш.

У спіс таксама ўнесеныя навуковыя арганізацыі: 48-ы Цэнтральны навукова-даследчы інстытут Міністэрства абароны, новасібірскі Інстытут прыкладной фізікі, Мурамскае спецыяльнае канструктарскае бюро і інш.

Усяго ў новым санкцыйным пакеце амаль 300 фізічных і юрыдычных асобаў, а таксама арганізацый.