Вугорскі журналіст: Стралок у Фіца звязаны з прарасейскай ваенізаванай групоўкай
- 16.05.2024, 7:43
- 19,412
Яна падтрымлівае сепаратыстаў "ДНР" і "ЛНР" і супрацоўнічае з пуцінскімі "Начнымі ваўкамі".
У гісторыі з замахам на кіраўніка ўрада Славакіі Роберта Фіца ўсплыла прарасейская ваенізаваная група Slovenskí Branci.
Вугорскі журналіст-расследавальнік Сабольч Паньі выявіў, што пісьменнік Юрай Цінтула, які страляў у Фіца, быў звязаны з прарасейскай ваенізаванай групоўкай Slovenskí Branci (“Славацкія навабранцы”), якая падтрымлівала сепаратыстаў у самаабвешчаных “ДНР” і “ЛНР”.
‼️🇷🇺Wow. Looks like Slovak PM Robert Fico's reported assailant, writer Juraj Cintula, was associated with pro-Russian paramilitary group Slovenskí Branci (SB). Their leader was even trained by Russian ex-Spetsnaz soldiers. Read more on @VSquare_Project 👇https://t.co/2IzSHwq54d pic.twitter.com/M9fgp186R3
— Szabolcs Panyi (@panyiszabolcs) May 15, 2024
У студзені 2016 года на яе старонцы ў Facebook з'явіўся допіс з фатаграфіяй Цінтулы. Пісьменнік расказаў, што яго прыцягнула здольнасць арганізацыі "дзейнічаць без загаду дзяржавы", "самаадданы энтузіязм", які выяўляецца ў тым, што "яны самі купляюць зброю і тэхніку на свае грошы". "Яны патрыёты", - пісаў Цінтула. У тым жа допісе ён заявіў аб неабходнасці барацьбы з мігрантамі, якія, на ягоную думку, пагражаюць Еўропе, і дадаў, што асноўная задача Slovenskí Branci - "абараніць жыхароў, краіну, традыцыі і культуру".
Са звестак VSquare, арганізацыя супрацоўнічала з пракрамлёўскім рухам байкераў "Начныя ваўкі", а яе лідар Петэр Шврчэк праходзіў навучанне ў былых расейскіх спецназаўцаў. У 2022 годзе групоўка заявіла аб спыненні дзейнасці.
