У Менску гарэў вядомы паб
1- 17.05.2024, 14:27
- 5,302
Пасля пажару ён не працуе.
У Менску раніцай 17 траўня загарэўся вядомы ў горадзе бар Royal Oak Pub.
Пра гэта паведамілі ў МНС.
Пажар успыхнуў а 04.35, ратавальнікі атрымалі адпаведны сігнал ад сістэмы аўтаматычнай пажарнай сігналізацыі.
Калі супрацоўнікі МНС прыбылі на месца, то знайшлі полымя ў абедзеннай зале пабу, які знаходзіцца на першым паверсе чатырохпавярховага шматкватэрнага жылога дома на вуліцы Кісялёва.
У выніку агонь пашкодзіў барную стойку і два тэлевізары, закуранае памяшканне залы.
Пацярпелых няма, эвакуацыя наведнікаў не праводзілася. Прычыну ўзгарання зараз высвятляюць.
Тым часам паб у сваіх сацсетках папярэдзіў кліентаў, што ў пятніцу не працуе з тэхнічных прычын.