У Менску хутка адчыніцца яшчэ адзін буйны гандлёвы цэнтр
8- 17.05.2024, 20:56
- 19,756
![У Менску хутка адчыніцца яшчэ адзін буйны гандлёвы цэнтр](https://i.c97.org/ai/595473/aux-head-1715968695-20240515_gzc_czervenski_360.png)
Праўда, усяго з дзвюма крамамі.
Новы гандлёва-забаўляльны цэнтр «Чэрвеньскі», які размесціцца на месцы знесенага Чэрвеньскага рынку ў Менску, адчыняецца ўжо 29 траўня. Праўда, з заяўленых крамаў там пакуль будуць працаваць толькі дзве, піша CityDog.io.
Усяго ў новым моле на скрыжаванні вуліцаў Аранскай і Маякоўскага будзе пяць узроўняў: два з іх размешчаныя пад зямлёй і тры – над зямлёй.
Узровень -2 – паркоўка;
Узровень -1 – гіпермаркет;
Узроўні 1 і 2 – fashion-зона з гандлёвымі плошчамі;
Узровень 3 – зона фуд-корту і дзіцячага забаўляльнага цэнтра.
Праўда, з заяўленых крамаў у гандлёвым цэнтры пакуль будуць працаваць толькі дзве – гіпермаркет Green і крама адзення нямецкага брэнду NewYorker.
Паступова, як абяцае забудоўнік, у «Чэрвеньскім» будуць адчыняцца іншыя крамы адзення і абутку, тэхнікі і тавараў для дому, бялізны і аксэсуараў, касметыкі і ювелірных вырабаў, а таксама зоны забаваў і фуд-корт.