Менск накрыла ліўнем

Ва Уруччы затапіла дарогі.

Беларусь накрываюць моцныя навальніцы і залевы, на 18–19 траўня ў краіне абвешчаны аранжавы ўзровень небяспекі. Дарогі ў менскім мікрараёне Уручча ўжо крыху затапіла, паведамляе «Смартпресс».

Адно з самых праблемных у дажджлівае надвор'е месцаў горада – адрэзак дарогі пад аўтамабільным мостам на скрыжаванні праспекта Незалежнасці і вуліцы Гарадзецкай ужо падтоплены.

«Відаць, гэтая частка горада ўжо апускаецца пад ваду. З неба наліло ўжо амаль пад самы капот», – адзначае выданне.

Як вынікае з паведамлення «Менсктранса», з 18.10 праз умовы надвор'я – затаплення – тралейбусныя маршруты № 37, 42 ідуць да ДС «Уручча-4».