У Менску затрымалі маці чацвярых дзяцей, сківічна-тварнага хірурга Алену Церашкову

Яна таксама была двухразовай чэмпіёнкай Беларусі ў таэквандо.

Сілавікі затрымалі сківічна-тварнага хірурга Алену Церашкову, паведамілі праваабаронцы з dissidentby.

Паводле папярэдняй інфармацыі, Церашкова затрыманая ў рамках крымінальнага артыкула аб грубым парушэнні грамадскага парадку (частка 1 артыкула 342 КК). Праваабаронцы пішуць, што жанчына цяпер можа знаходзіцца ў СІЗА. Дома ў жанчыны засталіся чацвёра дзяцей.

Алена Церашкова – родная сястра асуджанага на 5 гадоў калоніі актывіста Максіма Вінярскага.

Апроч асноўнай прафесіі, яна пісьменніца, перакладніца, у свой час была двухразовай чэмпіёнкай Беларусі ў таэквандо.

Церашкову з мужам ужо затрымлівалі ў жніўні 2021 года.