Адбыўся вялізны выцек звестак з Realt.by

Маглі быць скрадзеныя звесткі 900 тысяч чалавек.

Цэнтр персанальных звестак паведамляе аб парушэнні сістэмы абароны персанальных звестак ТАА «РыэлтБай» - партала жылой і камерцыйнай нерухомасці ў Беларусі.

Меркаваная колькасць суб'ектаў персанальных звестак, закранутых інцыдэнтам, - 900 тысяч чалавек.

Цэнтр рэкамендуе карыстальнікам змяніць лагіны і паролі ад старонак адпаведных інтэрнэт-рэсурсаў: realt.by, kvartirant.by, mls.realt.by у мабільным дадатку Realt і іншых сэрвісах і электронных рэсурсах, якія належаць аператару.

Цэнтрам праводзіцца праверка.