Вялікая Брытанія здабыла першую перамогу на ЧС-2024 у хакеі

Брытанцы перамаглі аўстрыйцаў, Нямеччына падолела Францыю і выйшла ў 1/4 фіналу турніру.

На "О2-Арэне" ў Празе (Чэхія) скончыўся матч чэмпіянату свету ў хакеі - 2024 паміж камандамі групы А – нацыянальнымі камандамі Аўстрыі і Вялікай Брытаніі. Перамогу з лікам 4:2 атрымала каманда Вялікай Брытаніі.

Для нацыянальнай каманды Вялікай Брытаніі гэтая перамога стала першай і адзінай на чэмпіянаце свету - 2024. Каманда пакінула элітны дывізіён.

На "Астравар-Арэне" ў Астраве (Чэхія) скончыўся матч паміж камандамі групы В – нацыянальнымі камандамі Францыі і Нямеччыны. Перамогу з лікам 6:3 атрымала нямецкая каманда.

Такім чынам, Францыя пакідае першынство планеты, з групы В у 1/4 фіналу выходзяць Швэцыя, ЗША, Нямеччына і Славаччына.

Чэмпіянат свету ў хакеі - 2024 праходзіць з 10 да 26 траўня ў двух чэшскіх гарадах - Празе і Астраве.

Нацыянальная каманда Беларусі прапускае спаборніцтвы праз адхіленне з боку міжнароднай федэрацыі (IIHF).