Лукашэнка як чорнае таўро

Якіх палітыкаў чакала бяда пасля сяброўства з дыктатарам.

У сувязі з гібеллю прэзідэнта Ірана сайт udf пералічвае палітыкаў, чый лёс сумна склаўся пасля блізкага знаёмства з Аляксандрам Лукашэнкам.

Слабадан Мілошавіч

Кіраўнікі Беларусі і Югаславіі пасябравалі ў 1999 годзе на фоне супрацьстаяння Бялграда і NАТО. Цяпер Аляксандр Лукашэнка любіць успамінаць, як падтрымаў у той момант сербаў, але яны самі не моцна перажывалі за лёс Слабадана Мілошавіча.

Апошнія гады жыцця той памёр у турме, асуджаны Міжнародным трыбуналам за Югаславію. Мілошавіч памёр у турэмнай камеры ў Гаазе ў 2006 годзе.

Садам Хусэйн

З апошніх выказванняў Лукашэнкі не зразумець, ці бачыўся ён з былым прэзідэнтам Іраку хоць адзін раз асабіста. Але відавочна, што яны нямала размаўлялі праз тэлефоне і што дыктатар Беларусі цёпла ставіўся да калегі.

Апошнім разам Садам Хусэйн патэлефанаваў Лукашэнку ў 2003 годзе напярэдадні вайсковай аперацыі ЗША. У 2006 годзе дыктатара павесілі.

Лукашэнка потым згадваў пра ягоны ўдзел у будаўніцтве Нацыянальнай бібліятэкі:

«Я кажу: «Садам, трэба ўнесці нейкую суму, мы тут будуем». «Вы мяне, прэзідэнт, крыўдзіце, я паўмільёна дам». Я кажу: «Дзякуй». Па-мойму, ён самую вялікую суму ўнёс».

Муамар Кадафі

Многія памятаюць, як у 2008 годзе кіраўнік Лібіі паставіў свой бедуінскі палац на тэрыторыі рэзідэнцыі «Заслаўе». Але мала хто тады меркаваў, што Муамару Кадафі засталося жыць зусім нядоўга.

Палітык, якога Лукашэнку называў «братам», быў забіты ў 2011 годзе пры наступе ў Лібіі апазіцыйных сіл.

Уга Чавэс

Прэзідэнт Венесуэлы стаў рэдкім шанцаваннем у пошуку Лукашэнкі партнёраў на далёкай дузе. Чавес настолькі прасякнуўся да дыктатара Беларусі цёплымі пачуццямі, што яны паспрабавалі арганізаваць транзіт нафты з Лацінскай Амерыкі ў Беларусь. Ды і наогул Уга Чавэс не выяўляў у стасунках скупасці.

Смерць прэзідэнта Венесуэлы ад анкалогіі ў 2013 годзе стала ўдарам: больш такога шчодрага партнёра ён не знайшоў.

Наваз Шарыф

Бліскучая палітычная кар'ера прэм'ер-міністра Пакістана скончылася неўзабаве пасля пачатку сяброўства з Лукашэнкам. Пасля другога візіту дыктатара Беларусі ў далёкую краіну прайшло крыху больш за паўгода, як Наваза Шарыфа з ганьбай адправілі ў адстаўку.

Палітыку выставілі сур'ёзныя карупцыйныя абвінавачанні, праз гады, у 2018-м, Наваза Шарыфа і зусім арыштавалі. У 2019-м яго адпусцілі пад залог і ён уцёк у Лондан.

Вярнуўся на радзіму палітык толькі ў 2023-м.

Себасцьян Курц

Малады канцлер Аўстрыі не пасаромеўся завязаць сяброўства з Лукашэнкам, адкінуўшы ўсякія маральныя сумневы. Але ўжо праз некалькі год высветлілася, што гэта не было выпадковасцю.

Себасцьяна Курца абвінавацілі ў карупцыйных парушэннях і ў 2021 годзе ён пайшоў у адстаўку.

У лютым гэтага года Курца асудзілі на 8 месяцаў умоўна за дачу фальшывых паказанняў. У палітыку вяртацца ён не мае намеру.

Эбрахім Раісі

Лукашэнка злётаў да прэзідэнта Ірана ў лістападзе 2023 года і сур'ёзна спадзяваўся, што стасункі паміж краінамі ўдасца рэанімаваць. Увосень бягучага года Эбрахім Раісі павінен быў мець візіт у адказ у Менск.

Але палітыка чакаў той самы лёс, як і многіх іншых, хто блізка сышоўся з Лукашэнкам. Эбрахім Раісі днямі загінуў - у авіякатастрофе.