13 чэрвеня 2024, Чацвер, 23:36
Падтрымайце
сайт
Сім сім,
Хартыя 97!
Рубрыкі

«Нельга выйсці на двор»

4
«Нельга выйсці на двор»

Жыхары Гомельскай вобласці пакутуюць ад нашэсця мошак і заедзі.

Жыхары паўднёвых рэгіёнаў Беларусі працягваюць пакутаваць ад нашэсця дакучлівых мошак і заедзі. Пра сітуацыю ў Гомельскай вобласці расказалі ў эфіры тэлерадыёкампаніі «Гомель».

Гомельцы скардзяцца, што ў канцы траўня заедзі на дварэ столькі, што знаходзіцца на дварэ практычна немагчыма.

- Нельга выйсці, сядзець нельга, нічога на агародзе не зробіш - заедзі мора, - падкрэсліла мясцовая жыхарка Таццяна Удовіна.

Жыхары рэгіёну тлумачаць, што больш за ўсё заедзі раніцай і перад дажджом. Ратавацца ад назойлівых насякомых многія спрабуюць з дапамогай рэпелентаў. Медыкі рэкамендуюць прымяняць эфірныя алеі - лаванду і гваздзік. Аднак высвятляецца, што перад дажджом ад гнюсу не ратуе ні тое, ні іншае - кузуркі становяцца найболей агрэсіўнымі, і ад іх ужо нічога не дапамагае.

Укусы заедзі найбольш небяспечныя для дзяцей і алергікаў. На шчасце, небяспечныя хваробы еўрапейская заедзь не пераносіць.

- Пачакаць трэба тры-чатыры тыдні. Далей кузурак не будзе, - патлумачыла Ірына Курачэнка, старшая выкладчыца кафедры біялогіі Гомельскага дзяржаўнага ўніверсітэта імя Ф.Скарыны.

Напісаць каментар 4

Таксама сачыце за акаўнтамі Charter97.org у сацыяльных сетках