Прадстаўнік Еўразвязу ў ААН Скуг: ЕЗ не спыніцца, пакуль Паліна Шарэнда-Панасюк не будзе вызваленая
21- 22.05.2024, 21:00
- 8,148
Палітзняволеная мусіла выйсці на волю 21 траўня.
Сталы прадстаўнік Еўразвязу ў ААН, спецыяльны прадстаўнік ЕЗ у правах чалавека Улаф Скуг заявіў, што ЕЗ прадоўжыць ціск на рэжым Лукашэнкі. Ён заклікаў Менск неадкладна і безумоўна вызваліць актывістку грамадзянскай кампаніі «Еўрапейская Беларусь» Паліну Шарэнду-Панасюк і іншых палітвязняў.
«Гэта Паліна Шарэнда-Панасюк. Учора яе павінны былі вызваліць пасля таго, як яна адбыла тры тэрміны запар паводле сфабрыкаваных абвінавачаннях. ЕЗ не спыніцца, пакуль Паліна і ўсе палітычныя зняволеныя не будуць вызваленыя», – напісаў Скуг у X.
This is Palina Sharenda Panasyuk. She was supposed to be released yesterday after having served 3 consecutive prison terms for trumped-up charges. The EU will not stop until Palina and every last political prisoner are set free. @SCEEUS_UI #StockholmBelarusConf @Tsihanouskaya pic.twitter.com/aJ2NskNxaM
— Olof Skoog (@OlofBSkoog) May 22, 2024
Палітзняволеная мусіла выйсці на волю 21 траўня.
Паліну Шарэнду-Панасюк затрымалі 3 студзеня 2021 года. Сілавікі выламалі дзверы кватэры, правялі агляд, канфіскавалі шэраг рэчаў, а Паліну затрымалі і ў кайданках адвезлі ў ІЧУ. Пазней яе перавялі ў СІЗА.
9 чэрвеня 2021 г. суд Маскоўскага раёна Берасця асудзіў яе да двух гадоў калоніі.
Увесну 2022 года яна не выйшла на волю, на Паліну завялі крымінальную справу паводле ч. 1 арт. 411 КК і прысудзілі дадатковы год калоніі.
Але і вясной 2023 года яна не выйшла на волю: паводле артыкула 411 палітзняволеная атрымала яшчэ год калоніі. За гэтыя гады яе некалькі разоў змяшчалі ў ШІЗА, а таксама на шэсць месяцаў выправілі ў ПКТ. Паліна знаходзіцца ў поўнай ізаляцыі. У калоніі ў актывісткі «Еўрапейскай Беларусі» моцна пагоршылася здароўе.
Як паведамляў Charter97.org, учора актывістку грамадзянскай кампаніі «Еўрапейская Беларусь» трэці раз абвінавацілі ў непадпарадкаванні адміністрацыі калоніі (артыкул 411 КК).
