19 чэрвеня 2024, Серада, 8:09
Падтрымайце
сайт
Сім сім,
Хартыя 97!
Рубрыкі

Прыгожае пытанне жыхара Гомеля пра Марка Шагала было прызнанае найлепшым у гульні «Што? Дзе? Калі?»

8
Прыгожае пытанне жыхара Гомеля пра Марка Шагала было прызнанае найлепшым у гульні «Што? Дзе? Калі?»

Чаму нашага знакамітага земляка павольна абслугоўвалі ў парыжскіх кавярнях?

У мінулую нядзелю ў маскоўскім клубе «Што? Дзе? Калі?» стартаваў летні сезон. У першай перадачы за стол села каманда навічкоў, а менавіта Дзяніса Цеплякова.

У сярэдзіне гульні ім выпала пытанне гомельца Сяргея Пятрова.

Яно гучала так: «Марку Шагалу не падабалася ў парыжскіх кавярнях, што яго доўга абслугоўвалі. Чаму?».

Капітан каманды адказаў, што Шагал настолькі добра ведаў французскую, што работнікі кавярні прымалі яго за мясцовага жыхара і таму не спяшаліся абслугоўваць.

Насамрэч адказ іншы. Афіцыянты добра ведалі, хто такі Марк Шагал і прымушалі яго доўга чакаць вячэру, бо тады наш зямляк у чаканні замовы пачынаў маляваць на сурвэтках. Ведаючы гэтую звычку мастака, афіцыянты спецыяльна цягнулі час, каб потым пакінуць гэтыя малюнкі на памяць».

Пасля гульні пытанне Сяргея Пятрова было прызнанае найлепшым і наш зямляк атрымае не толькі 100 тысяч расейскіх рублёў за перамогу ў раўндзе, але і дадатковыя 200 тысяч рублёў (300 000 расейскіх гэта прыкладна 3 350 даляраў), піша nashaniva.com.

Дарэчы, гэтую гульню можна будзе паглядзець на АНТ у нядзелю ці зараз у інтэрнэце.

Напісаць каментар 8

Таксама сачыце за акаўнтамі Charter97.org у сацыяльных сетках